خايف

خايف م اللى جى كتير .. حاسسنى غرقان فى بير

فيه اللى بيقع ما بيطلعش .. واللى اشترى ما بيدفعش

مجروح انا ومش لاقى لجراحى دوا .. ما لقتش دمع ولا جرح غير م الهوا

يا قلبى ابكى وارتاح عشان حرام عليك .. حبيبك كان معاك وملك ايديك

وفى النهاية ضاع وراح واتنسى .. وما شالش ليك غير كل الاسى

لو تعرف تكمل وحدك يا ريت .. بس فى الاخر تلاقى نفسك بكيت

على حب راح منك واتسرق واتخان .. ومالكش فى الاخر غير جرحك والاحزان

سلام يا حبيب يا دمعى يا طبيب .. بحبك اه بس شمسك قربت تغيب