الرئيسية
من طرف fady king الخميس 30 أكتوبر 2008 - 22:45
متستغربش ايوه للحب سلبيات وممكن تضيعه من اديك الى الابد خلى بالك
1-الكـــــدب:
دى أخطر حاجة ممكن تكون موجودة فى طرف من الطرفين
ودة بيدمر الحب على طول مش فيه تفاهم عشان كدة اللى بيحب
يحاول يكون صادق دايماَ (مش يحاول دة غصب عنه)..
2- الغـــــــــرور:
صفة وحشة اوى وخصوصاَ لو عند الولد عشان الغرور
بيبقى أنانية فأكيد مش هيشوف غير نفسه حتى اللى
بيحبه ودة مش حب أساسا لإن الحب مش أنانية.
3-الخـــــــــوف:
لو الخوف موجود يبقى الحب مش هيبقى موجود
لو نجحت فى إنك تقتل الخوف جواك اتأكد إنك بتحب
المفروض تكون جرئ فى حبك يعنى مثلا مش تخاف إنك
تقف اودام الـ 70 مليون انسان وتقول للى بتحبها بحبك
بصوووووت عالى..
4-الغيـــــــرة:
الغيرة بتعمى القلوب والعيون كمان وبينتهى معاها
الحب لإنها بتتحول لشك وقلق وخوف من غير أسباب..
مش معنى كدة إن مش يبقى فيه غيرة لأ تكون موجودة بس
غيرة عادية بتزود الحب مش تقضى عليه.
5-عدم الشعور بالطرف الآخر:
لازم تفهم اللى بتحبه كويس اوى وتراعى مشاعره
قبل مشاعرك وتعمل كل حاجة عشانه وتحس بإللى جواه
من غير ما يقولك واكيد لو انت عملت كدة هوة كمان هيعمل كدة..
6- الكتمـــــان:
دى حاجة وحشة اوىى بين الطرفين لازم تصارح اللى بتحبه
بكل حاجة جواك ويعرف عنك كل حاجة بصراحة دى أول هدية
ممكن تهديها للى بتحبه عشان تحس إنك بقيت كل حاجة
فى حياته وهوة كمان كل حاجة فى حياتك.
7-عدم الثقــــــة:
عدم الثقة دة بيخرب بيوت والثقة اهم حاجة فى علاقة
اى اتنين لو بتحب يبقى شعارك فى الحب لازم يكون
>>أنا واثق من حبيبى زى ما أنا واثق من نفسى وأكتر كمان<<
8- البـــــــرود:
بجد دة بقى بيعصب اوىىى وبيضايق موووت إن اللى بتحبه يكون
إنسان بارد دة بيجنن أكترويزود المشاكل لو موجودة عشان دة معناه
إنك مش مهتم باللى اودامك وبتتبارد عليه..
اذكرونى فى صلاتكم
