انا كرهتك يا نفسى

كل ما اقعد لوحدى و اتأمل فيكى يا نفسى الاقيكى مليانة عيوب

كل ما افكر فى فاديا و اطلب يخلصنى من الخطية الاقيكى بتحبطى فيا

كل مااتخلص من واحدة و اتشجع و اقول هكمل الاقيكى بتعندى فيا

كل ما ابليس يغلبنى و اسقط و لا حد ينجدنى الاقيكى بتفرحى فيا

كل ما اقول هتقدم و هرجع لالهى و اخدم الاقيكى بتأخرى فيا

كل ما اصرخ يا يسوع ساعدنى و امسح اى دموع الاقيكى بتصدى فيا

كل ما اتأخر و اعيش فى الخطية و مش شايف غير إبليس قدام عينيا الاقيكى بتساندى فيا

كل ما ايامى بتعدى و خطيتى بتزيد الاقيكى بتلومى فيا

و اقول انتى السبب انتى اللى حطمتى إرادتى الاقيكى بتضحكى عليا

خلاص كلة انتهى وقعت فى اللا منتهى

و انتى السبب يا نفسى ... انا كرهتك يا نفسى

و فى وسط خطاياى و تعبى الاقي شخص واقف جنبى

ايده ممدودة ليا و بيبص عليا و يقولى تعالى ليا

عندى الراحة و الخير .. عندى الحب و الحنان

انا حبيتك زمان و لسة حبى ليكى زى ما كان

و بسرعة اجرى عليه و اترمى فى حضنه و احس بالامان

لكن عمرى ما هنسى ان انتى السبب يا نفسى

انا كرهتك يا نفسى ....