الرئيسية
من طرف fady king الإثنين 16 فبراير 2009 - 8:34
بيع بالمزاد العلنى
انهاردة انا هابيع بالمزاد العلنى شئ غالى بس ياخسارة طلع كدب
هابيع قلب عاش طول عمرة وحياته علشان يلاقـــى حب
القلب دا مات من كتر ما شاف وانجرح فى الحب
هاتصدقونى لو قلتلكم ان القلب دا مبقاش عارف يحب
ودلوقتى هابدأ المزاد........
الاؤنا .....الادوا.....الاتريا.....
وكل مــــــــزاد وله شروط
يلا نقرأ كراسه الشروط
البيع هايكون بارخص ارخص الاتمـــــــــــان
هو مزاد اه بس السعر هايكون فيه جراح واحزان
المزاد غريب ومختلف عن اى مزاد
ببيع فيه قلبى وبشترى الغربه والم ونار البعاد
ونبتدى المـــــــــــزاد...!!!
هابيع قلب تحت اقدام حبيبــه قدم حياته
وفى المقابل لقى اكسير...بس اكسير مماته
تـحـت اقدامــه اتهرس حلمه وكيانه
مفضلش جوا منه غير ذل احزانه
الاؤنا.....الادوا....الاتريا....
مين قال هازود
الكل ليه بيبعد
القلب دا والله كان قلب من دهب
بيحب بكل ضــمــيــره بس جت فى لحظه النبض منه اتشطب
القلب دا شاف ياما وياما عشان حبه عاش ذليل
بيخاف يقرب من اى قلب خايف من طعم الويل
خايف يشوف ضى النهار ماهو عايش فى ليل طويل
انت ...ايوة انت قلت كام قلت ايه جرح واحزان موافق ابيع
موافق انى اشرب نار جراحك على امل انى اضيع
عمر ماكان لقلبى حظ فى الحب او فى الفرح كان موجود
كنت عايش طول حياتى زى بيت كبير من الحزن متكسر من الهم مهدود
وانتى ...ايوة عرضتى ايه هموم.... قسوة ادينى ما دول حبابيى
طول عمرى عايش فى حضنهم دول أهلى وقرايبى
لا...مش هابيع انتى سعرك غالى وانا قلبى تمنه رخيص
متنفعيش تشتريه انا عايز شارى خسيس
يلا قربت انهى المزاد.....
الاؤنا...الادوا.....الاتريا......
عاوز جراح هموم احزان تملى مكان قلبى اللى فارغ
يكونها اساسها ذل وخضوع وادوراها عمرى اللى ضايع
اطعنوا قلبى برمح الخيانه يلا اقتلو ا الحب اللى باقى
مش عاوز الاقى حب ازرعوا فى قلبى حزن ودا قرار نهائى
يلا خلاص هانهى لمزاد....!!!!
الاؤنا ...الادوا...الاتريا...!!!
لقيت خلاص المشترى اللى سعرة ابخس الاتمان
لقيته اشطر التجار...الى جنبه تختفى الاحزان
الجرح...هابيع قلبى ليه هاعيش تحت الركام
وتحت انقاض الجراح هاخنق احلامى عمرى هاصحى الالام
خلاص انتهى المزاد مبروك عليك ياجرح يلا دوقنى الالم
خلينى اعيش كدا وحــيـــدة أ ســيــــرة الندم
هافضل كدا طول عمرى من غير قلب
هاعيش اقتل جـوايــا اى حب
الاؤنا.....الادوا....الاتريا.....
انتهى المزاد......!!!!!
