الرئيسية
من طرف fady king الثلاثاء 3 مارس 2009 - 10:06
أجمل ما في الخطوبة العزايم الرومانسية، المخطوبين بيروحوا على أحلى مطاعم في البلد وأخر انسجام
!! وادي دقني لو العروسة حتشوف مطاعم تاني بعد الزواج !! المهم يا بنتى ،، لو ربنا فك عقدتك واتخطبتي.
اول شي
الشوكة والسكينة
لازم تعرفي الله يخليكى
الشوكة تتمسك من ايدها من الطرف .. مش من الوسط ولا من البوز
وبطلي افلام الرعب الي بتشوفيهم .. مش خنجر هو
2
:: الخبز ::
لا تفضحينا والنبى وتقطعيه باسنانك
!! و لا تقطعيه نصين بايديكي وكل نص وابلع .. اوعي
الخبز بتقطع بالسكينة في الطبق .. وبعدين تاخديها لقمة لقمة وتاكليها
!! قال يعني نفسك مسدودة
وتعالى على نفسك شويه لحد ما تروحي بيتكم وهناك خدي راحتك زي ما انتى عاوزه
3
:: الشوربة ::
أبوس كعب رجلك .. الشربه اهم حاجه
الشوربة تتشرب من غير صوت خالص .. ومن غير ما تقعدي تنفخي فيها
!! زي القهوجي الي بنفخ الحجر للزبون
اهم شي بالملعقة وبدون صوت .. حتى لو كانت سخنة، مولعة، برضه بدون صوت
ولا تنسي تسيبي تلت الطبق مليان
ولا تميليه على طرفه وتلعبي حورينى يا تيتا مع أخر نقطة في الطبق
4
: الرز ::
الرز طبعا يتاكل بالشوكة
اياك تمدي ايدك على المعلقة وتغرفي من الطبق وتعبّي !! إوعي
الرز بالشوكة .. وكأنك بتبوسيه مش بتاكليه
5
:: المكرونة الاسباكيتي ::
برضه بالشوكة .. تتلف على طرف الشوكة
لحد ما تخلص وبعدين في هدوء ومن سكات
مش تشفطيلنا المكرونة عود عود
6
:: السمك ::
هو السمك مشكلة شويه
ركزي معايا لتعرفي كيف تفصلي اللحم عن الشوك
بتقطعي اللحم من النص بالطول .. وبعدين افردي اللحم ع الناحيتين
ولما تخلصي ناحية لا تقلبي السمكة .. بلاش فضايح
شيلي السلسلة بالشوكة والسكينة وحطيها في جنب الطبق
وكملي النص التاني
ولا اقولك .. بلاش الافلام الهندي دى كلها
بلاها اكلة السمك .. قولي ما بحبش السمك وريحي بالك
7
:: الجمبري ::
لو تعرفيه يعنى
اول ما ينزل طبق الجمبري .. بصّيله كدا من تحت لتحت
قال يعني زهقانة من كتر اكل الجمبري الجامبو في بيت الحج
الله يخليلك ابوكى .. واتنهدي بصوت واطى وقولي
هو انت تاني يا جمبري .. انت ورايا ورايا
و تروحي قاطعة راس الجمبري بالشوكة .. بليز انا في عرضك
انسي المصمصة في الجمبري خصوصا
8
:: البطاطس ::
سواء مسلوقة ولا محمرة
ولا تهرسيها ولا وترميها على طبق الرز وتلغّي .. لا كدا غلط
بالشوكة وشويه شويه زي ما تكوني هاتعيطى من كتر ما
البطاطس صعبانة عليكي يا عيني
9
:: الفاكهة ::
لو الفاكهة فيها بزر .. بتطلعيه من فمك بشويش
وتحطيه بايديكي وهي مقفولة .. و في طفاية السجاير اللي على الطاولة
وانسي نظام التفتفة .. مش وقته
10
:: النهاية
لما تخلصى اكل
تحطي ايدك على بطنك - اللي عصافيرها بتصوصو من العينات الي شميتيهم
وتقولي مش قادرة، مش ممكن .. اول مرة اكل بفجع كده
قدامي اسبوع لحد ما اهضم الاكله دى
وبعدين تمسكي الفوطة اللي دايما محطوطة ع الطاولة
بلا اهمية وتبوسيها .. قال يعني بتمسحي فمك
وبعدين استأذني علشان تصلحي الميك أب .. وتروحي التواليت
وطّلعي من شنطة ايديكي ساندويتش فلافل و شوية زتون وفحل بصل وقرن فلفل .. وبالهنا والشفا.
ياريت كل بنت تجرب وتدعليى
ههههههههههههههههههههههههههههههههههههههههههههههههه
